"Rusiya ilə Finlandiya arasında qarşılıqlı faydalı əlaqələr Helsinkinin təşəbbüsü ilə tamamilə məhv edilib".
"Operativ Məlumat Mərkəzi-OMM" xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedev deyib.
"Keçən həftə Leninqrad vilayətində, Rusiya ilə Finlandiya sərhədini ziyarət etdim. Bu ərazilərin yerli hakimiyyət orqanlarının rəhbərliyi və sərhədçilərimizlə görüşdüm. Sərhəddə heç bir hərəkətlilik yoxdur, halbuki yaxın keçmişdə burada çoxlu insan olurdu. Helsinkinin təşəbbüsü ilə onilliklər ərzində qurulmuş normal, qarşılıqlı faydalı münasibətlər tamamilə dağıdılıb", – o bildirib.
Medvedyev vurğulayıb ki, bu vəziyyətdən Finlandiya vətəndaşlarının sadə insanları əziyyət çəkir:
"Onlar ikitərəfli ticarət-iqtisadi əlaqələrin inkişafından ciddi üstünlüklər əldə etmişdilər və buna görə də bu gün Finlandiya hakimiyyətinin açıq-aşkar onların maraqlarına zidd olan axmaq siyasətindən narazılıqlarını bildirirlər".
