Fransada qadınların hamiləliyi yarımçıq dayandırması artıq onların konstitusiya hüququdur.
"Operativ Məlumat Mərkəzi-OMM" xəbər verir ki, bu barədə parlamentdə keçirilən səsvermə ilə qərar qəbul olunub.
Deputatların 780-i abortun lehinə, 72-si əleyhinə səs verib.
Fransa bununla abortu konstitusiya hüququ kimi müəyyən edən ilk ölkə statusu qazanıb.
Aborta etiraz edən qruplar, eyni zamanda, Vatikan qərara qarşı sərt çıxışlar edib.
“İnsan insanın həyatını əlindən almaq hüququna sahib ola bilməz” – deyə Vatikanın etiraz bəyanatında qeyd olunur.
Vatikan bəyanatda bütün hökumətlərə müraciət edir, onları tarixin bu mərhələsində insan həyatının qorunmasını prioritet məsələyə çevirməyə çağırır.
Fransada aborta 1975-ci ildən etibarən icazə verilirdi. Lakin rəy sorğuları göstərib ki, ölkə əhalisinin 85 faizi bu barədə qanunlara düzəliş edilməsinin tərəfdarıdır. Qərar paytaxt Parisdə coşqu ilə qeyd olunub.
Eyfel qülləsində “Mənim bədənim, mənim seçimim” şüarı nümayiş etdirilib.
Müqayisə üçün bildirək ki, Amerika Birləşmiş Ştatlarında qadınların abort etdirməsi qadağan olunub.
