Finlandiya təhlükəsizliyini artırmaq məqsədi ilə Rusiya ilə sərhəddində divar inşa etməyə başlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, hazırda tikintisi davam edən divarın uzunluğu 200 km, hündürlüyü isə 3 metr olacağı nəzərdə tutulub. Sərhədçilər divarın üzərində tikanlı məftillərin yerləşəcəyini bildirib. Hazırda sərhəd ərazisində taxta hasar var.
Finlandiyanın bu addımı atmağının səbəbi isə Ukrayna ilə müharibədən qaçmaq istəyən rusların sayının artmasıdır.
Qeyd edək ki, Finlandiya Avropa İttifaqında Rusiya ilə ən uzun - 1340 km sərhəddi paylaşan dövlətdir.
