Finlandiya limanları tətil səbəbindən qismən bağlanıb

Finlandiyada hökumətin əmək bazarındakı islahatlarına qarşı başlayan həmkarlar ittifaqı tətili ölkə limanlarının işini qismən dayandırıb.

"Operativ Məlumat Mərkəzi-OMM" xəbər verir ki, bu barədə yerli “Yle” nəşri yazır.

“Bu səhər başlayan tətil Finlandiyanın bütün limanlarında demək olar ki, bütün yük daşımalarını dayandırıb. Tətilin iki həftə davam edəcəyi gözlənilir”, - deyə məqalədə bildirilib.

İlkin hesablamalara görə, tətil limanlarda yüklərin boşaldılmasını tamamilə dayandıra bilər. Bəzi tez xarab olan mallar hələ də normal işləyən kruiz gəmilərində daşınmalıdır.

Bundan əlavə, aksiya zavodların fəaliyyətinə təsir göstərərək, xammal tədarükünü pozacaq və həmçinin yanacağın paylanmasında fasilələrə səbəb ola bilər.