Braziliya prezidenti Luiz İnasio Lula da Silva İsrailin Qəzzaya davam edən hücumları ilə bağlı bildirib ki, Qəzzada baş verənlər soyqırımdır. Müharibə ilə heç bir əlaqəsi olmayan qadın və uşaqlar öldürülür.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Lula da Silva Planalto Prezident sarayında keçirdiyi mətbuat konfransında İsrailin Qəzzaya hücumlarına reaksiya verib.
Lula da Silva Qəzzada baş verənlərin müharibə ilə heç bir əlaqəsi olmadığını vurğulayıb:
"Qəzza zolağında baş verənlər soyqırımdır. Müharibə ilə heç bir əlaqəsi olmayan qadınlar və uşaqlar öldürülür. Qadınları və uşaqları öldürürlər, uşaqları acından ölürlər. Məhz yəhudilərin tarixdə yaşadıqları iztirablara görə İsrail dövləti bəşəriyyətə və Fələstin xalqına qarşı sağlam düşüncə ilə hərəkət etməlidir. Yalnız Fələstin dövləti azad və suveren dövlət olduqda sülh olacaq. İsrail 1967-ci il sərhədlərinə əsaslanan razılaşmanın həyata keçirilməsini istəmir və hər gün Fələstin torpaqlarında, o cümlədən İordan çayının qərb sahilində insanlara hücum etmək üçün əsgər göndərir. Fələstin kəndlərində məhsul verən fermerlərə hücum edirlər. Sonra gəlib “antisemitizm”dən danışırlar. Düşünürəm ki, bu qurbanlığı bir kənara qoymalıdırlar".
