Bugünkü görüşdə təhsil sahəsindəki əməkdaşıq məmnuniyyətlə qeyd olundu. Hazırda 373 Azərbaycan vətəndaşı Estoniyanın ali təhsil müəssisələrində təhsil alır. Bu, eyni zamanda, Estoniyada təhsil və yaşayış üçün çox uyğun, rahat və etibarlı şəraitin mövcud olmasının göstəricisidir.
"Operativ Məlumat Mərkəzi-OMM" xəbər verir ki, bu sözləri Azərbaycanın xarici işlər naziri Ceyhun Bayramov Estoniyanın xarici işlər naziri Marqus Tsahka ilə keçirdiyi birgə mətbuat konfransı zamanı söyləyib.
Nazir, həmçinin bildirib: “Bu gün danışıqlarımız zamanı Avropa İttifaqı-Azərbaycan əməkdaşlığı kontekstində məsələləri də ətraflı şəkildə müzakirə etdik. 2025-ci ilin əvvəlindən yeni komissiyanın formalaşmasından sonra müsbət dinamikanın müşahidə olunması bizi məmnun edir”.
