"Mançester Yunayted"in yarımmüdafiəçisi Kristian Eriksen İngiltərə çempionatının səfər matçında "Vest Hem"ə minimal hesablı məğlubiyyətdən (0:1) sonra əldən verilmiş şansların çoxluğundan şikayətlənib.
"Operativ Məlumat Mərkəzi-OMM" xəbər verir ki, futbolçu bu barədə jurnalistlərə açıqlama verib.
“Düşünürəm ki, yaxşı başladıq və oyuna çıxmaq üçün yaxşı vəziyyətdə olduğumuzu hiss etdik. Düşünürəm ki, mövsüm ərzində uduzduğumuz matçlarda bu, artıq dəfələrlə başımıza gəlib. Premyer Liqadakı komandalar şansımızdan istifadə etmədiyimiz zaman bizi cəzalandıracaq qədər güclü və yaxşı komandalardır.
Mövsüm başa çatmaq üzrədir, amma yenə də düşünürəm ki, irəli getmək və qalib gəlmək üçün gücümüz var".
