Türkiyə Prezidenti Rəcəb Tayyib Ərdoğan Böyük Britaniyanın Baş naziri Key Starmerlə telefon danışığında İsrailə Qəzza zolağında atəşkəslə razılaşmaq və Fələstin problemini iki dövlət prinsipi əsasında həll etmək üçün tədbirlərin görülməsinin vacibliyini vurğulayıb.
"Operativ Məlumat Mərkəzi-OMM" xəbər verir ki, bu barədə Türkiyə prezidenti Rəcəb Tayyib Ərdoğanın ofisi bəyanat yayıb.
Prezident Ərdoğan Qəzzada humanitar vəziyyətin kritik həddə çatdığını bildirib.
O, İsrailə atəşkəs və iki dövlətli həllə razılıq verməsi üçün təzyiq göstərmək üçün addımların atılmasının vacibliyini vurğulayıb və Fələstin Dövlətinin tanınması ilə bağlı verdiyi bəyanata görə İngiltərə Baş naziri Starmerə təşəkkür edib.
Ərdoğan Türkiyənin Qəzzaya humanitar yardım göndərməyə davam etdiyini və bölgədə atəşkəsə nail olmaq üçün vasitəçilərin səylərini və atəşkəs danışıqlarını dəstəklədiyini bildirib.
