Ekvadorun cənubundakı El Oro vilayətində 5,5 maqnitudalı zəlzələ baş verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Zəlzələ yerli vaxtla saat 19:05-də qeydə alınıb.
Yeraltı təkanın 73,6 kilometr dərinlikdə baş verdiyi bildirilib.
Hadisə ilə bağlı hələlik heç bir insan tələfatı və dağıntı barədə rəsmi açıqlama verilməyib.
Zəlzələ Ekvadorun Guayas vilayətində və Peru sərhədinə yaxın yerləşən Loja vilayətində də hiss olunub.
Ekvador Geofizika İnstitutu isə zəlzələnin gücünü 6,1 bal olaraq açıqlayıb.
