Afət Ziyadqızı
Ümumdünya Ərzaq Proqramı (ÜƏP) aclıq astanasında olan Qəzzanın şimalına yardımın yenidən başlaması cəhdinin “uğursuzluqla nəticələndiyini” bildirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Açıqlamada 14 yük maşınından ibarət qida karvanının Qəzzanın şimalına göndərildiyi, lakin Qəzza Vadisi keçid məntəqəsində üç saatlıq gözləmədən sonra İsrail ordusu tərəfindən geri qaytarıldığı bildirilib.
"Daha sonra yük maşınları başqa istiqamətə yönəldilib və yeməkləri talayan izdiham tərəfindən saxlanılıb. Maşınlardan təxminən 200 ton ərzaq götürülüb", - deyə məlumatda deyilir.
