Çindən ABŞ-də nüvə sınaqlarının keçirilməsi ilə bağlı iddialara münasibət

Çin Xarici İşlər Nazirliyinin sözçüsü Mao Ninqin sözlərinə görə, Çin Nüvə Sınaqlarının Hərtərəfli Qadağası Müqaviləsinin (CTBT) səlahiyyətlərini qorumaq üçün digər ölkələrlə işləməyə hazırdır.

"Operativ Məlumat Mərkəzi-OMM" xəbər verir ki, bu barədə RİA Novosti qəzeti məlumat yayıb.

Bundan əvvəl ABŞ Prezidenti Donald Tramp Rusiya və Çin tərəfindən aparılan sınaqlar fonunda cihazların funksionallığını təmin etmək üçün nüvə sınaqlarının zəruri olduğunu bildirmişdi.

“Biz Nüvə Sınaqlarının Əhatəli Qadağası Müqaviləsinin səlahiyyətlərini qorumaq və beynəlxalq nüvə tərksilahını təmin etmək üçün bütün tərəflərlə işləməyə hazırıq”, - deyə Çin Xarici İşlər Nazirliyinin sözçüsü bildirib.