Afət Ziyadqızı
Cənubi Koreyada bu gün keçmiş prezident Yoon Suk Yeolun impiçmentindən sonra yeni prezidenti müəyyən etmək üçün seçkilər keçirilir.
"Operativ Məlumat Mərkəzi-OMM" xəbər verir ki, bu barədə Milli Seçki Komissiyası açıqlama yayıb.
Məlumata görə, təxminən 44 milyon qeydiyyatdan keçmiş seçicisi olan ölkədə seçicilər seçki mərkəzlərində qurulan 14 min 295 seçki qutusunda səs verməyə başlayıb.
Bildirilib ki, seçki qutuları açıldıqdan sonra 3 saat ərzində 4,09 milyon nəfər, yəni qeydə alınmış seçicilərin 9,2 faizi səs verib.
Mayın 29-30-da keçirilən erkən səsvermədən 15,4 milyon insan və ya ölkə seçicilərinin 34,74 faizi yararlanıb. Bu, erkən səsvermə proqramı ilk dəfə 2014-cü ildən bəri görülən ən yüksək göstəricidir.
