Cənubi Koreyanın Xüsusi Prokuroru Min Cun-ginin komandası ölkənin keçmiş prezidenti Yun Sok-yulu siyasi kampaniyaların maliyyələşdirilməsi ilə bağlı qanun pozuntularında ittiham edib.
"Operativ Məlumat Mərkəzi-OMM" xəbər verir ki, bu barədə prokuror nümayəndələri məlumat yayıb.
Məlumata görə, prokurorlar keçmiş birinci xanım Kim Qın-hiyə qarşı qiymətli kağızlarla bağlı fırıldaqçılıq və korrupsiya işlərini də araşdırır. Yun Sok-yul və həyat yoldaşı adından 2021-ci ilin iyunundan 2022-ci ilin martına qədər bir neçə ictimai rəy sorğusu aparılıb. Bu sorğuların dəyəri 270 milyon von (təxminən 185 min dollar) olub, lakin ödəniş edilməyib. Prezident seçkiləri 9 mart 2022-ci ildə keçirilib.
Siyasi məsləhətçi və seçki bürosunun faktiki rəhbəri Myung Tae-gyun da qanun pozuntusunda ittiham olunub. Prokurorlar bildirirlər ki, Yun Sok-yul bu qanunsuz fəaliyyətindən 137 milyon von (təxminən 94 min dollar) gəlir əldə edib və onun aktivlərinin müsadirə olunmasını tələb edirlər.
Bundan əlavə, keçmiş prezident dövlət sisteminə qarşı üsyan təşkil etmək, hakimiyyət orqanlarının fəaliyyətinə mane olmaq, hakimiyyətdən sui-istifadə və düşmənə kömək etməkdə ittiham olunur. Cinayət Məcəlləsinə görə, belə hallarda ömürlük həbs və ya ölüm cəzası nəzərdə tutulur, lakin ölüm cəzası 1997-ci ildən bəri tətbiq olunmur.
Xatırladaq ki, apreldə Konstitusiya Məhkəməsi Yun Sok-yulu hakimiyyətdən uzaqlaşdırıb. İyunda isə Li Ce-myunq prezident seçkilərində qalib gəlib və kürsüdə oturub.
