İtaliya çempionatının növbəti turunda "İnter" "Frozinone"nin qapısından iki cavabsız top keçirib.
"Operativ Məlumat Mərkəzi-OMM" xəbər verir ki, ikinci qolu türkiyəli yarımmüdafiəçi Hakan Çalhanoğlu vurub.
O, penaltini uğurla yerinə yetirib.
Bu mövsüm o, artıq penaltidən beş qol vurub - bu parametrə görə, Çalhanoğlu beş əsas Avropa çempionatında çıxış edən bütün oyunçular arasında liderdir.
O, ümumilikdə İnter forması ilə doqquz penalti vurub və heç vaxt qaçırmayıb.
İtaliya çempionatının növbəti turunda "İnter" Turin təmsilçisi "Yuventus"la mübarizə aparacaq.
