OMM Redaksiyası
Burkina Fasoda dekabrın əvvəlindən casusluq ittihamı ilə 4 Fransa vətəndaşının saxlanıldığı məlum olub.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Məlumata əsasən, dekabrın 1-də Fransa diplomatik pasportu və etibarlı vizası olan 4 nəfər saxlanılaraq 10 gün boyunca dindirilib.
Sözügedən 4 nəfər dindirildikdən sonra həbs edilərək Vaqaduqu həbsxanasına göndərilib.
Fransa mediasında yer alan xəbərdə, sözügedən şəxslərin Fransa xarici kəşfiyyat xidmətində (DGSE) işlədiyi və həbsindən bir neçə gün əvvəl Burkina Fasoya daxil olduğu bildirilib.
