“Turan Tovuz” klubunun ev oyunlarını keçirdiyi Tovuz şəhər stadionunda quraşdırılmış süni ot örtüyü FIFA tərəfindən “Quality Pro” sertifikatına layiq görülüb.
Klubdan "Operativ Məlumat Mərkəzi-OMM"-ə verilən məlumata görə, bu keyfiyyət nişanı arenada beynəlxalq oyunların təşkil olunmasına imkan verir.
Qeyd edək ki, “Turan Tovuz” ötən mövsüm Azərbaycan Premyer Liqasını 6-cı pillədə başa vurub və avrokuboklara vəsiqə qazana bilməyib.
