"Britaniyalılar "The Financial Times" qəzetində Rusiya xarici işlər naziri Sergey Lavrov və ABŞ dövlət katibi Marko Rubio arasında aparılan danışıqlar barədə yazdıqları məqalə ilə Ukrayna üzrə sülh danışıqlar prosesini pozmaq istəyiblər".
"Operativ Məlumat Mərkəzi-OMM" xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Əlbəttə, britaniyalılar. Və söhbət sadəcə jurnalistlərdən getmir, onların arxasında dayananlardan gedir. Niyə? Çünki onların baxışına görə, danışıqlar prosesini pozmaq üçün hər şey edilməlidir,” — Zaxarova qeyd edib.
Zaxarova vurğulayıb ki, britaniyalılar artıq 2022-ci ildə aparılan danışıqları və əldə olunmuş razılaşmaları da pozmuşdular, halbuki həmin razılaşmalar artıq həyata keçmək üzrə idi.
