Böyük Britaniyada yüz minlərlə insan Qəzza üçün milli yürüş keçirib

İngiltərənin paytaxtı Londonda küçələri dolduran yüz minlərlə fələstinli tərəfdar nümayişçi, İsrailin hücumları altında olan Qəzzada təcili atəşkəs çağırışı ilə 11-ci dəfə milli yürüş keçirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İşğala qarşı müqavimətin simvoluna çevrilən 30 Mart Torpaq Gününün 48-ci ildönümündə paytaxtdakı Russell Meydanına toplaşan nümayişçilər əllərində Fələstin bayraqları və pankartlarla şəhərin mərkəzindəki məşhur Trafalqar meydanına gediblər.

Nümayişçilər Qəzzada soyqırımın dayandırılmasını istəyib, Britaniya hökumətini İsrailə silah satdığına görə soyqırımda şərik olmaqda günahlandırıb və silah ixracının tez bir zamanda dayandırılmasını tələb ediblər.