ABŞ Prezidenti Donald Tramp Qəzza zolağının idarə edilməsi və yenidən qurulması məqsədilə təsis edilən Sülh Şurasına Danimarkanı dəvət etməyib.
"Operativ Məlumat Mərkəzi-OMM" xəbər verir ki, bu barədə “Politico” nəşri danimarkalı diplomata istinadən məlumat yayıb.
Mənbənin bildirdiyinə görə, Kopenhagenə bu beynəlxalq quruma qoşulmaq üçün rəsmi müraciət daxil olmayıb.
Sülh Şurasının əsas vəzifələri aşağıdakılardan ibarət olacaq:
- İsrail və HƏMAS hərəkatı arasındakı razılaşmalar çərçivəsində Qəzza zolağının idarəçiliyini təmin etmək;
- Müharibədən sonrakı bərpa və humanitar yardım proseslərinə rəhbərlik etmək;
- Regionda uzunmüddətli sabitliyin qorunması üçün beynəlxalq mexanizm formalaşdırmaq.
“Bloomberg” agentliyinin məlumatına görə, ABŞ lideri yanvarın 22-də Davosda keçirilən Dünya İqtisadi Forumu çərçivəsində şuranın nizamnaməsini və səlahiyyət bölgüsünü rəsmən təsdiqləməyi planlaşdırır.
