Birləşmiş Millətlər Təşkilatının Təhlükəsizlik Şurası (BMT TŞ) Əfqanıstanda "Taliban" administrasiyasının BMT-nin qadın əməkdaşlarına tətbiq etdiyi iş qadağasını pisləyən qətnamə qəbul edib.
"Operativ Məlumat Mərkəzi-OMM" xarici mediaya istinadən xəbər verir ki, Türkiyənin birgə təqdim etdiyi qanun layihəsi 15 üzvdən ibarət BMT Təhlükəsizlik Şurası tərəfindən yekdilliklə qəbul edilib.
Qərarda, "Taliban" hökuməti qadınlara qoyulan qadağaları tez bir zamanda aradan qaldırmağa çağırılıb.
Sözügedən qadağaların insan haqlarını pozduğuna diqqət çəkən qərarda "Taliban" rəhbərliyinin qadınların BMT-də işləməsini qadağan edən qərarı pislənilib.
Qətnamədə qadınların Əfqanıstan cəmiyyətində mühüm rolu vurğulanmaqla yanaşı, "Taliban" administrasiyası qadınların təhsilini, məşğulluğunu, hərəkət azadlığını və ictimai həyatda bərabər iştirakını bərpa etməyə çağırıb.
