Şimali Atlantika Alyansı 2025-ci ildə İordaniyada öz əlaqə ofisini açmağa hazırlaşır.
"Operativ Məlumat Mərkəzi-OMM" xəbər verir ki, bunu ABŞ dövlət katibi Antoni Blinken Belçikanın paytaxtında keçirdiyi mətbuat konfransında jurnalistlərə deyib.
Diplomat bildirib ki, NATO gələn il Əmmanda regionda ilk əlaqə ofisini açacaq və NATO ilə Yaxın Şərq ölkələri arasında əlaqələri daha da gücləndirəcək.
İyul ayında NATO sammitinin yekun bəyannaməsində alyansın Afrika və Yaxın Şərqdə mövcudluğunu genişləndirməyə davam edəcəyi bildirilirdi. Sənəddə qeyd edilir ki, alyans Əmmanda nümayəndəlik açmağa hazırlaşır və artıq bu qərarı İordaniya rəhbərliyi ilə razılaşdırıb.
