“Suriyada işimiz əslində indi yeni başlayır. Biz inanırıq ki, xarici müdaxilələrdən uzaq, sabit bir Suriya bölgəmiz üçün böyük əlavə dəyər olacaq".
"Operativ Məlumat Mərkəzi-OMM" xəbər verir ki, bu sözləri Türkiyə XİN rəhbəri Hakan Fidan deyib.
O bildirib ki, Türkiyə bu prosesdə dost və qardaş Suriya xalqının yanında qətiyyətlə dayanmağa davam edəcək:
“Geriyə baxdıqda görürük ki, son 15 ildə Suriya meydanında tarixin ən çətin sınaqlarından birindən keçdik. Bunun siyasi və iqtisadi bədəlini ödədik, lakin insanlıq ləyaqətindən güzəştə getmədik. Bu müddətdə tək buraxıldığımız, bir çox ölkənin terror təşkilatları ilə taktiki əməkdaşlıqlara girdiyi dövrlər oldu. Ancaq biz yolumuzdan dönmədik. Və nəhayət, tarix öz hökmünü verdi. 8 dekabr 2024 Suriya xalqı üçün yeni bir ümid səhifəsinin açıldığı dönüş nöqtəsi oldu. Lakin Suriyada işimiz əslində indi yeni başlayır. Biz inanırıq ki, xarici müdaxilələrdən azad, sabit bir Suriya bölgəmiz üçün böyük bir üstünlük olacaq. Türkiyə bu prosesdə dost və qardaş Suriya xalqının yanında qətiyyətlə dayanmağa davam edəcək”.
