“Alyaska sammitindən sonra ABŞ prezidenti Donald Tramp tərəfindən irəli sürülən bir sıra təkliflərə Moskva çevik yanaşmağa razılıq verib”.
"Operativ Məlumat Mərkəzi-OMM" xəbər verir ki, bu sözləri Rusiya xarici işlər naziri Sergey Lavrov deyib.
“Prezident Tramp Alyaskadan sonra bir neçə bənd irəli sürdü, biz onlarla razıyıq”, – deyə Lavrov bildirib.
Lavrovun sözlərinə görə, Ukrayna Prezidenti Volodimir Zelenski Vaşinqtonda Trampın irəli sürdüyü bütün prinsipləri rədd edib.
“Vaşinqtonda keçirilən görüşdə Tramp bu məsələləri gündəmə gətirdi, orada Zelenski və onun avropalı sponsorları iştirak edirdi. Tramp açıq şəkildə bildirdi ki, Vaşinqtonun fikrincə, qəbul olunmalı bir neçə prinsip var – NATO-ya qoşulmamaq, ərazi məsələlərinin müzakirəsi və s. Zelenski isə bütün bunlara “yox” dedi”, – Lavrov vurğulayıb.
O əlavə edib ki, Zelenski, hətta rus dilini qadağan edən qanunvericiliyin ləğvinə də “yox” cavabı verib.
“Biz özünü lider kimi göstərən bir insanla necə görüşə bilərik?” – deyə Lavrov sonda əlavə edib.
