Belarus müdafiə naziri Viktor Xrenin Belarus Silahlı Qüvvələrinin komandan heyəti ilə brifinq keçirib.
"Operativ Məlumat Mərkəzi-OMM" xəbər verir ki, bu barədə ölkənin Müdafiə Nazirliyinin mətbuat xidməti məlumat yayıb.
Tədbirdə Silahlı Qüvvələrin təlim istiqamətləri, həmçinin 2025–2026-cı tədris ilində hərbi komandanlıq və qoşunların hazırlığı müzakirə olunub.
Nazirliyin açıqlamasında bildirilib ki, brifinqin məqsədi komandan heyəti arasında təlim prosesinin ardıcıllığı və metodları barədə vahid anlayış formalaşdırmaqdır.
Tədbirdə hərbi komandanlıq orqanlarının rəhbərləri, birləşmələrin və hərbi hissələrin komandirləri, qərargah rəisləri və digər vəzifəli şəxslər iştirak ediblər.
