"Barselona" "Atalanta"nın hücumçusunu transfer etməyə hazırlaşır.
"Operativ Məlumat Mərkəzi-OMM" "CaughtOffside" portalına istinadən xəbər verir ki, Kataloniya nəhəngi yayda Ademola Lookmanın nümayəndələri ilə əlaqə saxlayıb.
“Mavi qranatlar” 27 yaşlı nigeriyalını komandasında görmək istəyən “Yuventus”la rəqabətlə üzləşə bilər.
İtaliya klubu onun transferi üçün ən azı 60 milyon avro tələb edəcək.
Qeyd edilir ki, “Çelsi”, “Mançester Yunayted”, “Liverpul”, “Nyukasl” və “Arsenal” Lookmanın vəziyyətini izləməyə davam edir və hücumçu ilə yaxın vaxtlarda danışıqlar aparmağı planlaşdırır.
Ademola Lookman bu mövsüm "Atalanta"nın heyətində 37 oyunda 18 qol vurub və 7 məhsuldar ötürmə edib.
