"Bakı Metropoliteni" QSC 22 qatarın istismar müddətini artıracaq.
"Operativ Məlumat Mərkəzi-OMM" xəbər verir ki, bunu jurnalistlərə açıqlamasında səhmdar cəmiyyətin mətbuat xidmətinin rəhbəri Bəxtiyar Məmmədov deyib.
O bildirib ki, bu il Bakı metrosunda 1 qatar istismar müddətini başa vurduğu üçün xətdən çıxarılıb: "Bir qatar xətdən çıxarıldığı üçün hazırda xətdə olan qatarların sayı 60-dır. Yeni qatarlar xəttə buraxıldıqdan sonra isə qatarların sayı 67-yə çatacaq".
Xatırladaq ki, yaxın 3 ildə metroda 65 yeni nəsil vaqonu və yaxud hər biri 5 vaqondan ibarət olan 13 qatar xəttə buraxılacaq. Bu qatarlardan 7-si və yaxud 35 vaqon 2024-cü ildə Bakıya gətirilməlidir.
