“Avropa müharibə başa çatdıqdan sonra Ukraynaya təhlükəsizlik zəmanətlərinin verilməsində liderlik etməyə və Alyansın müdafiəsində öz payını artırmağa hazırdır“.
"Operativ Məlumat Mərkəzi-OMM" xəbər verir ki, bu sözləri NATO-nun baş katibi Mark Rutte bildirib.
Rutte Fransa prezidenti Emmanuel Makronun ev sahibliyi ilə Parisdə keçirilən Ukrayna ilə bağlı fövqəladə sammitdən sonra sosial media hesabında paylaşım edib.
Rutte Avropanın NATO-nun kollektiv təhlükəsizliyinə sərmayə qoymağa hazır və istəkli olduğunu bildirərək, təfərrüatların həll edilməsinin lazım olduğunu qeyd edib.
Tramp administrasiyası vurğulayıb ki, Ukrayna NATO-ya üzv olmamalıdır və təhlükəsizlik zəmanəti müharibə bitdikdən sonra NATO deyil, Avropa ölkələri tərəfindən verilməlidir.
Ağ Ev həmçinin NATO-nun Avropadakı müttəfiqlərinin qitənin müdafiəsi üçün tam məsuliyyəti öz üzərinə götürməsini istəyir.
