NATO-nun baş katibi Mark Rutte bəyan edib ki, alyans müttəfiq ölkələrin hava məkanını pozan Rusiya təyyarələrini ələ keçirəcək, lakin onları yalnız birbaşa təhlükə yarandığı halda vurmağa hazır olacaq.
"Operativ Məlumat Mərkəzi-OMM" xəbər verir ki, Rutte bu barədə FOX News telekanalına verdiyi müsahibədə danışıb.
“Lazım gələrsə, NATO bu təyyarələri təhlükə yaratdıqları təqdirdə vura bilər. Əgər təhdid yaratmırlarsa, onlar tutulacaq və üzv ölkənin hava məkanından kənara yumşaq şəkildə istiqamətləndiriləcəklər”, – NATO baş katibi bildirib.
Qeyd edək ki, sentyabrın sonunda Kremlin sözçüsü Dmitri Peskov NATO ölkələrinin “Rusiya təyyarələrini vurmağa hazır olması” ilə bağlı açıqlamaları məsuliyyətsiz adlandırmış və bu ritorikanı qəbuledilməz kimi qiymətləndirmişdi.
