"Arsenal" "Real"ın vingeri Rodriqo ilə ciddi maraqlanır.
"Operativ Məlumat Mərkəzi-OMM" "The Athletic"ə istinadən xəbər verir ki, "topçular" hazırda 24 yaşlı braziliyalının mümkün transferi üzərində fəal işləyən yeganə klubdur.
"Arsenal"ın meneceri Mikel Arteta madridli vingerin transferi ilə şəxsən maraqlanır.
Məlumata görə, ispaniyalı mütəxəssis Rodriqonun çıxışlarını ətraflı təhlil edib və onu hücumun sol cinahını gücləndirmək üçün ən yaxşı namizəd hesab edir.
Arteta əmindir ki, braziliyalı gələcək illər üçün komandanın layihəsində əsas fiqur olmağa qadirdir.
Madrid klubu futbolçunu 100 milyon avro dəyərində qiymətləndirir.
Braziliyalı bütün turnirlərdə 50 oyun keçirib, 13 qol vurub və 10 məhsuldar ötürmə edib.
