Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Jozep Borrell Livanın Baş naziri Nəcib Mikati ilə görüşüb.
"Operativ Məlumat Mərkəzi-OMM" xəbər verir ki, bunu avropalı diplomat "X" hesabında yazıb.
“Baş nazir Nəcib Mikati ilə görüşdə Livanın cənubundakı vəziyyət, Qəzzada müharibənin təsiri və Suriyadakı vəziyyət müzakirələrin əsas mövzuları idi. Biz hamının marağında olan gərginliyin aradan qaldırılması və uzunmüddətli sabitlik istiqamətində diplomatiya yolu ilə birgə işləmək barədə razılığa gəldik”, - J.Borrell bildirib.
