Aİ müdafiəni gücləndirmək üçün istiqrazların buraxılmasını nəzərdən keçirir

Avropa İttifaqı (Aİ) müdafiə xərclərini əhəmiyyətli dərəcədə artırmaq üçün birgə istiqrazların buraxılmasını müzakirə edir.

"Operativ Məlumat Mərkəzi-OMM" xəbər verir ki, Avropa diplomatiyasının rəhbəri Kaya Kallas bu barədə "Bloomberg"-ə müsahibəsində bildirib.

"Biz istifadə olunmamış koronavirusun bərpa fondundan vəsaitlərin yönləndirilməsi və ümumi istiqrazların buraxılması da daxil olmaqla müxtəlif maliyyələşdirmə variantlarını araşdırırıq", - deyə Kallas qeyd edib.

O, Aİ-nin müdafiə qabiliyyətini gücləndirmək üçün həm qısa, həm də uzunmüddətli həll yollarına ehtiyacı olduğunu vurğulayıb. Avropa diplomatiyasının rəhbəri qeyd edib ki, müdafiə xərclərinin artırılması Aİ üzv dövlətlərindən “ağrılı qərarlar” tələb edəcək.