ABŞ Dövlət Departamenti, qarşıdurmaların baş verdiyi Suriyaya qarşı ən yüksək səviyyə olan "4-cü səviyyəli" səyahət xəbərdarlığının qüvvədə olduğunu bildirərək, ABŞ vətəndaşlarını bu regionu tərk etməyə çağırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ Dövlət Departamentinin səyahət xəbərdarlıqlarını yayımladığı "X" hesabında Suriyayla bağlı açıqlama verilib.
Açıqlamada, qarşıdurmaların yaşandığı Suriyaya qarşı tətbiq edilən ən yüksək səviyyəli — 4-cü səviyyəli xəbərdarlığın hələ də qüvvədə olduğu xatırladılıb və ABŞ vətəndaşlarına bölgəni dərhal tərk etmələri tövsiyə olunub.
Bölgəni tərk edə bilməyən şəxslərə isə təhlükəsiz bir yerə sığınmaları tövsiyə edilib.
