Əgər Rusiya öz nüvə potensialından istifadə edərsə, bu, ABŞ üçün böyük dağıntılara səbəb ola bilər.
"Operativ Məlumat Mərkəzi-OMM" xəbər verir ki, bu barədə Amerika kəşfiyyatının qlobal təhdidlərə dair "RİA Novosti"-nin nəzərdən keçirdiyi illik hesabatında deyilir.
Hesabatda bildirilib ki, Moskva hər hansı digər ölkə ilə müqayisədə daha çox nüvə silahına malikdir və bu, böyük müharibə zamanı ABŞ-da və bütün dünyada fəlakətli dağıntılara səbəb ola bilər.
Kəşfiyyat xatırladıb ki, Rusiya Federasiyası 2024-cü ilin sonunda nüvə doktrinasını yeniləyib və nüvə hücumu üçün şərtləri genişləndirib.
Həmçinin qeyd olunub ki, ABŞ Ukraynadakı münaqişənin mümkün nəticələrindən asılı olmayaraq, Rusiyanı öz maraqları üçün davamlı strateji təhlükə kimi görür.
