ABŞ İranın ballistik raket proqramını dəstəkləyən Çin şirkətlərinə sanksiya tətbiq edib

ABŞ Dövlət Departamenti Çin və Honq-Konqda yerləşən bəzi şəxsləri və şirkətləri İranın ballistik raket proqramını dəstəklədikləri üçün sanksiya siyahısına əlavə edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Məlumata görə, sözügedən şirkət və şəxslər İranın ballistik raket proqramında istifadə etmək üçün karbon lifi istehsalının lokallaşdırılması səylərini dəstəkləyib, həmçinin İran İnqilabı Keşikçiləri Korpusuna karbon lifi və karbon lifi istehsalı üçün avadanlıq verib.