Amerika prezidenti Cozef Baydenin bütün fəaliyyəti dövründə ABŞ-dan Ukraynaya yardımın ümumi həcmi 51,3 milyard dolları ötüb.
"Operativ Məlumat Mərkəzi-OMM" xəbər verir ki, belə rəqəmlər ABŞ Müdafiə Nazirliyinin hesabatında yer alıb.
Pentaqonun məlumatına görə, bu məbləğin 50,6 milyard dolları hərbi əməliyyatın başlamasından sonra ölkə rəhbərliyinə daxil olub.
ABŞ Ukraynaya bir ədəd “Patriot” hava hücumundan müdafiə sistemi, 12 ədəd “NASAMS” zenit-raket sistemləri, “HAWK” hava hücumundan müdafiə sistemləri, 2 mindən çox “Stinger” zenit raketi, “Vampire” pilotsuz uçuş aparatı, “Avenger” hava hücumundan müdafiə sistemləri və s. tədarük edib.
