İki yaşlı Cozef Harris-Birtil yüksək zəka səviyyəsinə görə İngiltərədəki Mensaya qəbul edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Həmyaşıdları hələ də bütün əlifbanı öyrənmək üçün mübarizə apararkən, britaniyalı Cozef Harris-Birtil kitabları əvvəldən axıra kimi oxuya bilir.
İndi o, Morze əlifbası, yunan hərfləri və dövri cədvəllə maraqlanmağa başlayıb.
Cozef dünyanın ən yüksək zəka səviyyəsinə malik insanlardan ibarət Mensa cəmiyyətinə 2 yaş 182 gün olarkən qəbul edilib və təşkilat tarixinin ən gənc üzvü olub.
