Rusiyanın “Zenit” klubu "Neftçi" ilə yoldaşlıq oyununa gənclərdən ibarət heyətlə gələcək.

"Operativ Məlumat Mərkəzi-OMM" Rusiya mətbuatına istinadən xəbər verir ki, Sankt-Peterburq təmsilçisi əsas heyət üzvlərini Bakıya gətirməyəcək.

Zədəsini yenicə sağaldan kolumbiyalı hücumçu Mateo Kassierra bərpa prosesi keçir. İvan Sergeyev və Andrey Mostov Rusiya millisinin, Nurali Alip Qazaxıstan, Straxinya Erakovic isə Serbiya yığmasının düşərgəsinə yollanıblar. Robert Renan Braziliyanın gənclərdən ibarət millisinə dəvət alıb. Fərdi proqram üzərində işləməyə davam edən Mario Fernandes də “Neftçi” ilə görüşü buraxacaq.

Qeyd edək ki, noyabrın 18-də “Neftçi Arena”da keçiriləcək qarşılaşma saat 21:00-da start götürəcək.

İspaniyanın "Real" və İtaliyanın "Atalanta" komandaları arasında keçiriləcək UEFA Superkuboku matçını idarə edəcək hakim açıqlanıb.

"Operativ Məlumat Mərkəzi-OMM" xəbər verir ki, bu barədə UEFA-nın mətbuat xidməti məlumat yayıb.

Qarşılaşma isveçrəli Sandro Şörerə həvalə edilib.

Qeyd edək ki, avqustun 14-də Polşanın Varşava şəhərində baş tutacaq oyun Bakı vaxtı ilə saat 23:00-da start götürəcək.

AFFA Hakimlər Komitəsinin yeni sədri müəyyənləşib.

"Operativ Məlumat Mərkəzi-OMM" milli assosiasiyanın rəsmi saytına istinadən xəbər verir ki, belçikalı mütəxəssis Frank de Bleker bu posta təyin olunub.

AFFA İcraiyyə Komitəsinin 2024-cü il iyulun 12-də keçirilən son iclasında Hakimlər Komitəsinin sədri məsələsi müzakirə olunmuş, namizədlərdən belçikalı Frank de Blekerin zəngin beynəlxalq təcrübəsi və peşəkar fəaliyyəti nəzərə alınaraq, müsbət rəy verilmişdi.

Müqaviləyə dair bəzi şərtlərin müzakirəsinə ehtiyac yaranmışdı. Həmin məsələlərlə bağlı razılıq əldə olunduğundan, belçikalı FIFA referisi ilə 3 illik müqavilə imzalanıb.

Qeyd edək ki, Frank de Bleker iyulun 28-dən Misli Premyer Liqası və I Liqa hakimlərinin təlim-məşq toplanışına rəhbərlik edəcək.

“Sabah” UEFA Konfrans Liqasının II təsnifat mərhələsində ilk oyununu keçirib.

"Operativ Məlumat Mərkəzi-OMM" xəbər verir ki, “tələbələr” Macarıstanda İsrailin “Makkabi” (Hayfa) komandasının qonağı olub. Görüş təmsilçimizin 3:0 hesablı qələbəsi ilə yekunlaşıb.

“Sabah”ın heyətində qolları Şafranko, Cesse Sekidika və Xəyal Əliyev vurublar.

Komandalar arasında cavab oyunu avqustun 1-də Bakıda keçiriləcək.

UEFA Konfrans Liqasının II təsnifat mərhələsinin ilk oyunu çərçivəsində "Zirə" Slovakiyanın "DAK 1904" klubu ilə qarşılaşıb.

"Operativ Məlumat Mərkəzi-OMM" xəbər verir ki, "Dalğa Arena"da baş tutan matç meydan sahiblərinin 4:0 hesablı qələbəsi ilə yekunlaşıb.

Görüşdə hesabı 29-cu dəqiqədə Rafael Utziq açıb. 31-cu dəqiqədə Junior Martins fərqi iki topa çatdırıb. Qarşılaşmanın yekun nəticəsini isə 51 və 53 dəqiqələrdə fərqlənməklə dubl edən David Volkov müəyyənləşdirib.

Qeyd edək ki, " DAK 1904" və "Zirə" komandaları arasında cavab görüşü 1 həftə sonra Slovakiyada baş tutacaq.

UEFA Konfrans Liqasının II təsnifat mərhələsinin ilk oyunları çərçivəsində keçirilən "Sumqayıt" - "Fehervar" matçı başa çatıb.

"Operativ Məlumat Mərkəzi-OMM" xəbər verir ki, qarşılaşma Macarıstan klubunun 2:1 hesablı qələbəsi ilə yekunlaşıb.

"Sumqayıt"ın heyətində 20-ci dəqiqədə Səbuhi Abdullazadə fərqlənib. "Fehervar"dan Tobias Kristensen 39-cu dəqiqədə bərabərliyi təmin edib. 52-ci dəqiqədə Ksaba Spandler komandasının ikinci qolunu vurub.

Meydan sahiblərindən Murad Xaçayev qırmızı vərəqə ilə cəzalanıb.

Qeyd edək ki, "Sumqayıt"la "Fehervar" arasında cavab görüşü iyulun 31-də Macarıstanda baş tutacaq.