Ukrayna prezidenti Vladimir Zelenskinin aparat rəhbərinin müşaviri Mixail Podolyak üçüncü dünya müharibəsinin artıq başladığını bildirib.

"Operativ Məlumat Mərkəzi-OMM" xəbər verir ki, o bu fikri “Opinion Internationale” portalına müsahibəsində bildirib.

"Üçüncü Dünya Müharibəsi artıq gedir. Ola bilsin ki, hamının təsəvvür etdiyi kimi görünməsin, lakin İkinci Dünya Müharibəsi başlayanda çoxları bunun həqiqətən İkinci Dünya Müharibəsi olduğuna şübhə edirdi", - Podolyak deyib.

Zelenskinin müşavirinin sözlərinə görə, hazırda Rusiya və Avropa bir-biri ilə müharibə aparır.

İngiltərə və Uelsdə mer, şəhər məclis üzvləri və polis komissarlarının seçilməsi üçün keçirilən yerli seçkilərdə səsvermə başa çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İngiltərədə vətəndaşlar həmçinin 35 Polis və Cinayət Müvəkkilinin (PCC) seçilməsi üçün səs veriblər. Təxminən 8,9 milyon əhalisi olan paytaxt Londonda qeydiyyatdan keçmiş seçicilər də növbəti 4 il ərzində şəhəri kimin idarə edəcəyinə qərar vermək və 25 şəhər şurası üzvünü seçmək üçün sandıq başına gedib.

Birləşmiş Millətlər Təşkilatının Baş katibi Antonio Quterres jurnalistlərin işlərini görərkən həyatlarını riskə atdıqlarını və Qəzzada İsrail ordusu tərəfindən öldürülən jurnalistlərin sayından dəhşətə gəldiyini bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Dünyanın misli görünməmiş ekoloji fəlakət yaşadığına diqqət çəkən Quterreş bunun həm indiki, həm də gələcək nəsilləri təhdid etdiyini bildirib. 

Mətbuat mənsublarının bu vəziyyətlə bağlı insanları məlumatlandırmaq və maarifləndirmək vəzifəsi olduğunu ifadə edən Quterreş, "Bəzi güclü insanların, şirkətlərin və qurumların ətraf mühitlə bağlı reportyorları dayandırmaq üçün əllərindən gələni etmələri təəccüblü deyil",- deyə qeyd edib.

Şimali Koreya COVID-19 epidemiyasından sonra ilk dəfə 80-dən çox çinli tələbənin ölkəyə daxil olmasına icazə verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Çinin Pxenyandakı səfirliyi tərəfindən edilən paylaşımda 41 tələbənin Şimali Koreyaya çatdığı bildirilib. Yazıda Çin və Şimali Koreya arasında tələbə mübadiləsi proqramlarının yenidən başladığı və bu yaxınlarda 45 çinli tələbənin Şimala daxil olduğu bildirilib.

İsrail ordusunun 7 oktyabr 2023-cü ildən bəri Qəzza zolağına hücumları nəticəsində 10 min insan itkin düşüb və ya dağıntılar altında qalıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada, İsrail ordusunun Qəzza zolağına təşkil etdiyi hücumlarda 14 min 944 uşaq, 9 min 849 qadının həyatını itirdiyi bildirilib. Ölənlərin sayının 34 min 622, yaralananların isə 77 min 867 olduğu qeyd edilib.

Meksika Milli Muxtar Universitetinin müxtəlif fakültələrinin tələbələri “Qəzza ilə həmrəylik düşərgəsi” yaradıblar.

"Operativ Məlumat Mərkəzi-OMM" xəbər verir ki, bu barədə xarici KİV məlumat  yayıb.

Meksika hökuməti İsraillə diplomatik əlaqələri kəsənə qədər etirazlarını davam etdirəcəklərini bildirən tələbələr düşərgəyə Fələstin bayraqları sancıblar.

Həmçinin, Mexiko Kollecinin obyektlərində toplaşan "Fələstində Soyqırıma Qarşı Tələbə Təşkilatı" adlı qrup binanın üzərinə pankartlar asaraq, Meksika hökumətini İsrailə reaksiya verməyə çağırıb.

İsrailin Qəzzaya hücumlarına tez-tez etiraz edən meksikalılar bir neçə dəfə İsrailin Mexikodakı səfirliyi qarşısında toplaşıb.