Son 24 saat ərzində Hörmüz boğazından neft tankerləri, konteyner və ticarət gəmiləri daxil olmaqla 26 gəmi keçib.
"Operativ Məlumat Mərkəzi-OMM" xəbər verir ki, bununla bağlı İran KİV məlumat yayıb.
Bildirilib ki, son 24 saatda neft tankerləri, konteyner və ticarət gəmiləri daxil olmaqla 26 gəmi İran silahlı qüvvələrinin nəzarəti və koordinasiyası altında Hörmüz boğazından keçid edib.
İran Dövlət Televiziyası da daha əvvəl 5 supertankerin Hörmüz boğazından keçmək üçün İran ordusundan icazə aldığını açıqlamışdı.
Xatırladaq ki, İran, ABŞ və İsrailin 28 fevralda birgə hücumları ilə başlayan müharibədən sonra qlobal enerji daşımalarının strateji keçid nöqtələrindən biri olan Hörmüz boğazını bağlamışdı. Bu qərardan sonra neft qiymətlərində müharibədən əvvəlki dövrlə müqayisədə təxminən 65 faizə qədər artım müşahidə olunmuşdu.
