Yunanıstanın xarici işlər naziri Yorgos İerapetritis Afinanın Türkiyə də daxil olmaqla bütün qonşu ölkələrlə yaxşı münasibətlər saxlamaq istədiyini bildirib.
"Operativ Məlumat Mərkəzi-OMM" xəbər verir ki, bu barədə Yunanıstanın "To Vima" nəşri məlumat yayıb.
Yerapetritis Türkiyə ilə münasibətlərdə yaxşı ab-havanın əldə edildiyini və addım-addım irəliləyişin əldə olunduğunu bildirib.
"Biz Türkiyə ilə məhsuldar dialoq qurmaq istəyirik. Qarşılıqlı faydalı razılaşmalara gətirib çıxaracaq dialoq üçün zəmin var. Mülki müdafiə, miqrasiya siyasəti və turizm kimi məsələlər elə sahələrdir ki, bu, mübahisələrin həllinə yönəlib. İki ölkə arasında müsbət razılaşmalar əldə oluna bilər”, - deyə XİN başçısı qeyd edib.