Hollandiyada “Hollandiyanın Venesiya”sı və ya “Şimalın Venesiyası” olaraq xarakterizə edilən Giethoorn kəndi yolun hərəkət hissəsinin olmaması və orta əsrlərə aid tarixi teksturası ilə seçilir.
"Operativ Məlumat Mərkəzi-OMM" "Anadolu Ajans"ına istinadən xəbər verir ki, Hollandiyanın Overijssel əyalətinin Giethoorn kəndində avtomobil yolu olmadığı halda, nəqliyyat üçün kanallar, piyada yolları, taxta körpülər və velosiped yollarından istifadə edilir.
Təxminən 2600 nəfərin yaşadığı Giethoornun 176 taxta körpüsü, dar kanalları, tarixi evləri, gur təbiəti, rəngarəng çiçəkləri, nağılları xatırladan teksturası və xüsusilə Hobbit kəndini xatırladan evləri ilə tanınır.
Hər il təxminən bir milyon turistin ziyarət etdiyi kəndi daha çox Uzaq Şərq, Yaxın Şərq və Türkiyədən turistlər ziyarət edir. Son illərdə xüsusilə çinlilərin kəndə daimi məskunlaşmağa başladığı görülür.
Kənddə nəqliyyat üçün daha çox qayıqlardan istifadə olunur, burada avtomobil yolu yoxdur və yalnız girişdəki bir neçə evə nəqliyyat vasitələri ilə daxil olmaq mümkündür.
Piyada və velosiped yolları ilə yalnız şimaldan cənuba tək dar bir yol ilə gedə bilən Giethoornda yaşayan insanların dolanışıqları əsasən qayıq idarəçiliyi, otel idarəçiliyi və restoran idarəçiliyi kimi turizm fəaliyyətlərinə əsaslanır.
Çox vaxt iki qapısı olan tarixi evlərin sakinləri müntəzəm olaraq yan qapılardan istifadə edir, ön qapılar isə yalnız evlənəndə içəri girmək və öldükdən sonra dəfni çıxarmaq üçün istifadə olunur.
1776-1885-ci illərdə iki daşqından sonra indiki şəklini almış kənd bir-biri ilə əlaqəli çoxlu kanalların ətrafında tikilmiş evlərdən ibarətdir.
Tarixi evlərin damlarının qamışla örtüldüyü meydanı əhatə edən kanallarda elektrik qayıqları ilə gün boyu turistik turlar edilir.
Bir çox qayıq firmasının fəaliyyət göstərdiyi kənddə restoran və kafelər də qayıq kirayəsi xidmətləri göstərir.
Kənddəki bəzi körpülərin kəndin şəxsi mülkiyyəti olduğu üçün taxta qapılarla bağlandığı, yerli əhalinin şəxsi yaşayış sahəsinin və evlərinin sərhədlərini ziyarətçilərə xəbərdarlıq lövhələri ilə xatırlatdığı görünür.
"Keçiboynuzu" mənasını verən "Giethoorn" adının bölgəni kəşf edən ilk köçkünlərin yüzlərlə keçiboynuzu tapdıqları üçün verildiyi bildirilir.
Hollandiyalı rejissor Bert Haanstranın 1958-ci ildə çəkdiyi "Fanfare" komediyasının hissələrinin çəkildiyi Giethoorn kəndi, filmə 2 milyona yaxın insanın baxması ilə indiki şöhrətini qazanıb.
Aygün İsmayılova
