Türkiyə yerli istehsal olan bir çox müdafiə sənayesi məhsullarını dost və qardaş ölkələrə ixrac edir.
"Operativ Məlumat Mərkəzi-OMM" xəbər verir ki, bu barədə Türkiyənin milli müdafiə naziri Yaşar Gülər Konya şəhərində yeni təmir zavodunun açılışında çıxışı zamanı deyib.
O bildirib ki, Türkiyə Silahlı Qüvvələri müxtəlif qoşun növlərində mühüm layihələr icra edir: “Prezident Rəcəb Tayyib Ərdoğanın rəhbərliyi ilə əldə etdiyimiz uğurları daha yuxarı səviyyəyə qaldıracağıq. Müdafiə sənayemizi inkişaf etdirəcəyik. Bunun üçün gecə-gündüz çalışırıq”.
