Türkiyənin milli müdafiə naziri Yaşar Gülər bildirib ki, bu ilin yanvar ayının 1-dən indiyədək İraq və Suriyanın şimalı da daxil olmaqla 2 min 84 terrorçu zərərsizləşdirilib.
"Operativ Məlumat Mərkəzi-OMM" “TRT Haber”ə istinadla xəbər verir ki, bu barədə nazir ilin yekunlarına həsr olunmuş mətbuat konfransında bildirib.
Onun sözlərinə görə, son 4 ayda İraq və Suriyanın şimalında ümumilikdə 1110 hədəf məhv edilib, 820 terrorçu zərərsizləşdirilib: “Qətiyyətli əməliyyatlarımız nəticəsində il ərzində 122 terrorçu təslim olub. 199 min 898 nəfərin sərhədlərimizdən keçirilməsinin qarşısı alınıb”.
