Yaponiya hökuməti parlament üzvü Muneo Suzukinin Moskvaya səfəri ilə əlaqədar vətəndaşlarını Rusiyaya səfərdən çəkinməyə çağırıb.
"Operativ Məlumat Mərkəzi-OMM" xəbər verir ki, bu barədə Yaponiya Nazirlər Şurasının baş katibi Yosimasa Hayaşi mətbuat konfransında bildirib.
“Biz vətəndaşları məqsədindən asılı olmayaraq Rusiyaya səfərdən çəkinməyə çağırırıq, çünki Rusiya üçüncü dərəcəli təhlükə olan ölkə kimi təsnif edilir”, - Hayaşi deyib.
O, həmçinin bildirib ki, Yaponiya Ukraynadakı fəaliyyəti ilə bağlı Rusiyaya qarşı sanksiyalar siyasətini davam etdirəcək.
Yuxarı palata deputatı Muneo Suzuki iyulun 28-də Moskvaya işgüzar səfərə gedib. O, iyulun 31-dək Rusiyada qalacaq və Rusiya Xarici İşlər Nazirliyi və Rosrıbolovstvo nümayəndələri ilə görüşəcək.
Suzuki 40 ildən çox davam edən siyasi fəaliyyətinə görə Yaponiyada yüksək nüfuza malikdir. O, Rusiya Federasiyası ilə sülh sazişinin imzalanmasının və ikitərəfli münasibətlərin inkişafının tərəfdarıdır.
