“Pakistan Azərbaycanın ərazi bütövlüyünü və suveren ərazilərində həyata keçirdiyi legitim addımları dəstəkləyir”.
"Operativ Məlumat Mərkəzi-OMM" xəbər verir ki, bunu Pakistan xarici işlər naziri Cəlil Abbas Cilani azərbaycanlı həmkarı Ceyhun Bayramovla görüşündə deyib.
Pakistanlı nazir İqtisadi Əməkdaşlıq Təşkilatının Nazirlər Şurasının növbəti iclasının Azərbaycanın Şuşa şəhərində yüksək səviyyədə təşkilinə görə Azərbaycan tərəfinə minnətdarlığını bildirib.
C.Bayramov da öz növbəsində bu konteksdə, Ermənistanın 30 illik işğalı dövründə, habelə 44 günlük Vətən müharibəsi zamanı ölkəmizə göstərilən dəstəyi yüksək qiymətləndirib.