Ukraynanın Xerson vilayətində Nova Kaxovka bəndi vurulub.
"Operativ Məlumat Mərkəzi-OMM" xəbər verir ki, Nova Kaxovka meri bəndin artilleriya mərmiləri ilə vurulduğunu açıqlayıb.
Bildirilib ki, Rusiya qüvvələrinin vurduğu bəndin dağıdılması nəticəsində 80-ə yaxın yaşayış məntəqəsi zərər çəkə bilər.
Təxliyyə proseslərinin başladığı və suyun səviyyəsinin 5 saat ərzində kritik həddə çatacağı ehtimal olunur.
Ukraynanın Atom Enerjisi Agentliyi bəndin zədələnməsinin Zaporojye Atom Elektrik Stansiyasına təhlükə yaratdığını, elektrik stansiyasında vəziyyətin nəzarət altında olduğunu açıqlayıb.
Ukrayna prezidenti Vladimir Zelenski insidentdən sonra təcili iclas keçirəcək.