Raul Familoğlu
“Mançester Siti”nin futbolçusu İlkay Gündoğan karyerasını “Barselona”da davam etdirmək istəyir.
"Operativ Məlumat Mərkəzi-OMM" AS nəşrinə istinadən xəbər verir ki, Kataloniya təmsilçisinin baş məşqçisi Xavi 32 yaşlı yarımmüdafiəçi ilə görüşüb. O, mümkün keçidlə bağlı futbolçunu razı salıb və əmin edib ki, “Barselona” maliyyə feyr-pley məsələlərini həll edəcək.
Almaniyalı futbolçu La Liqa klubunun durumunu anlayır və transferin reallaşması üçün maaşının az olmasına razıdır.
İlkay Gündoğan 2016-cı ildən “Mançester Siti”də çıxış edir. O, cari mövsümdə “şəhərlilər”in heyətində bütün turnirlər daxil olmaqla 37 oyuna çıxıb, 4 qol vurub və eyni sayda məhsuldar ötürmə edib.
Onun klubla sözləşməsi 2023-cü ilin yayında başa çatacaq.
