"WhatsApp” messencerinin tərtibatçıları aprelin 11-dək qəbul edilməli olan xidmət şərtlərini yeniləyiblər.

"Operativ Məlumat Mərkəzi-OMM" xəbər verir ki, əks halda, istifadəçinin hesabı bloklanacaq.

"WhatsApp"da aprelin 11-dən mesajlaşma istifadəçiləri üçün minimum yaş həddini dəyişir və bu yaş 13-dən 16-a yüksəldilib.

Yeni tələblər keçmiş "WhatsApp" istifadəçiləri üçün aprelin 11-dən, 16 fevral və daha sonra qeydiyyatdan keçənlər üçün isə "Messenger"də profil yaradıldığı gündən qüvvəyə minəcək.

Bütün bu dəyişikliklər yalnız Avropa Birliyi ölkələrindəki istifadəçilərə aiddir.

"WhatsApp" sosial şəbəkə platformasının işində yaranan problem aradan qaldırılıb.

"Operativ Məlumat Mərkəzi-OMM" xəbər verir ki, artıq tətbiq üzərindən mesaj yazmaq, zəng etmək mümkündür.

Baş vermiş nasazlıq barədə "Meta" şirkəti açıqlama verməyib.

***

"WhatsApp" sosial şəbəkə platformasının işində problemlər yaranıb.

"Operativ Məlumat Mərkəzi-OMM" xəbər verir ki, problem qlobal xarakterlidir.

Yazışmaların qarşı tərəfə çatdırılmasında ləngimələr müşahidə edilir.

Çinin smartfon istehsalçısı "Xiaomi" ilk elektrikli avtomobilini (EV) təqdim edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Şirkətin baş icraçı direktoru Lei Jun bildirib ki, Speed ​​Ultra 7 (SU7) modelinin qiyməti 215 900 yuan dəyərində olacaq. 

"Xiaomi"nin elektrik avtomobil bazarına girişi qlobal miqyasda satış artımının yavaşlaması və qiymət müharibəsinə səbəb olması ilə əlaqədardır.

Firma ümid edir ki, SU7-nin telefonları, noutbukları və digər cihazları ilə paylaşılan əməliyyat sistemi mövcud müştəriləri cəlb edəcək.

Sinxua agentliyinin xəbərinə görə, “Yünhay-2 03” peykləri “Long Mart 6” raketi ilə ölkənin şimalındakı Şansi əyalətindəki Tayyüen Peyk Mərkəzindən orbitə buraxılıb.

"Operativ Məlumat Mərkəzi-OMM" xəbər verir ki, orbitə buraxıldıqdan sonra planlaşdırılmış orbital mövqelərinə yerləşdiyi bildirilən peyklərin atmosfer, dəniz mühitinin müşahidələri və kosmik mühitin tədqiqi üçün istifadə ediləcəyi bildirilib.

Şanxay Kosmik Uçuş Texnologiyaları Akademiyasının (SAST) hazırladığı peyklərin elmi araşdırmalar və fəlakətlərin qarşısının alınması məqsədi ilə olduğu bildirilsə də, bəzi qərbli ekspertlər peyklərin hərbi məqsədlər üçün meteoroloji proqnozlarda istifadə olunmaq üçün hazırlandığını iddia ediblər.

“Yünhay-2” peyklərinin birinci qrupu 2018-ci ildə, ikinci qrupu isə martın 21-də kosmosa buraxılıb.

Amerika Birləşmiş Ştatlarının Baş Prokurorluğu “Apple” şirkətini smartfon bazarını inhisara almaqda ittiham edib.

"Operativ Məlumat Mərkəzi-OMM"-in xəbərinə görə, Baş prokuror Merrik Qarland bildirib ki, texnologiya nəhəngi mobil tətbiq bazarı üzərində nəzarət gücündən sui-istifadə edərək müştəriləri və proqramçıları müəyyən mənada mühasirədə saxlayır.

Onun sözlərinə görə, şirkət özünə təhdid hesab etdiyi mobil tətbiqləri bazardan kənarlaşdırmaq üçün onlara qarşı qanunsuz addımlar atıb.

““Apple” smartfon bazarında öz uğurları ilə rəqabətdə önə çıxaraq inhisarçılıq etməyib, federal anti-inhisar qanunlarını pozaraq edib”, - deyə Qarland vurğulayıb.

“Apple” şirkəti baş prokurorluğun ittihamlarını əsassız adlandırıb.

Qeyd edək ki, bu, “Apple” şirkəti qarşısında indiyə qədər ona qarşı olan ən böyük çağırışdır. “Apple”in ittiham olunduğu sahələrdən biri onun bir toxunuşla ödə texnologiyası ilə bağlıdır. "Apple" bank və maliyyə şirkətlərinə ondan istifadə etməyə icazə vermir və “Apple Pay” pul köçürmələrindən milyardlarla dollar gəlir əldə edir.

Taylandda süni intellekt texnologiyası "depressiya və intihar düşüncələri" olan insanlara kömək etmək üçün istifadə olunur.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Tayland Milli Sağlamlıq Təhlükəsizliyi Ofisi (NHSO) tərəfindən istifadə edilən “AI DMIND” adlı süni intellekt texnologiyası xəstələrin psixoloji vəziyyətini qiymətləndirməyi asanlaşdırır.

Bildirilib ki, “AI DMIND” texnologiyası sınaq mərhələsində Taylandın təcrübəli psixiatrları tərəfindən qiymətləndirilib və ilkin nəticələrə əsasən, diaqnozlarının dəqiqliyi ilə bağlı “keçid qiyməti” alıb.

Bildirilib ki, NHSO çərçivəsində həyata keçirilən “AI DMIND” texnologiyası geniş xəstə bazasına çıxışı asanlaşdırmaqla xəstələrin müalicə prosesinin sürətləndirilməsinə töhfə verib.