Android üçün "WhatsApp" ani mesajlaşma proqramının son beta versiyasında yeni mətn redaktoru aşkar edilib.
"Operativ Məlumat Mərkəzi-OMM" xəbər verir ki, klaviaturanın yuxarısında göstərilən şrift seçimlərindən birinə toxunmaqla müxtəlif şriftlər arasında asanlıqla keçid edə bilərsiniz.
Əvvəllər mətnin şriftini dəyişmək mümkün deyildi, lakin yeni redaktorla bu işi çox asan və tez yerinə yetirmək olar.
İstifadəçilər mətnin düzülüşünü indi sola, mərkəzə və ya sağa dəyişdirə, həmçinin, fotoşəkillər, videolar və GIF-lərin içərisində mətnin formatlanmasına daha çox nəzarət edə, mətnin fon rəngini dəyişə biləcəklər.
"Calistagoa", "Courier Prime", "Damion2, "Exo 2" və 2Morning Breeze" kimi yeni şriftlər də mətn redaktoruna daxil edilib.
Testləri tamamladıqdan sonra "WhatsApp"ın yeni mətn redaktorunu bütün istifadəçilərə təqdim ediləcəyi gözlənilir.
