Afət Ziyadqızı
Vyetnamın şimalında dağıdıcı daşqınlar nəticəsində ən azı 250 nəfər ölüb, 82 nəfər isə itkin düşüb.
"Operativ Məlumat Mərkəzi-OMM" xəbər verir ki, bu barədə Ölkənin Kənd Təsərrüfatı Nazirliyi məlumat yayıb.
Nazirliyin məlumatına görə, daşqınlar nəticəsində 26 əyalətdə 204 mindən çox bina dağılıb, elektrik və rabitə xətləri sıradan çıxıb. 263 min hektardan çox kənd təsərrüfatı sahəsi su altında qalıb.
Vyetnam hökuməti dəyən ziyanı minimuma endirmək və su basmış ərazilərdə həyatı normallaşdırmaq üçün əlindən gələni edir. Genişmiqyaslı xilasetmə və bərpa işləri davam edir. Ölkədə təbii fəlakətdən zərər çəkənlərə yardım məqsədilə ianə toplama kampaniyası təşkil edilib.
